Kerasukan...

WARNING!!!

*excessive usage of Bahasa Brunei..lol*

*contains explicit word*

*fiction*

*broken english*

many thanks to Shabie..he contributed this story..although not all..i added some..lol!

Karakter dalam cerita ane:

Shabi-jejaka yg kerasukan masa ea main carah tapuk.

Athai-bapa kepada si Shabi.

Tok Bomoh Shaowa-tok bomoh yg inda berapa dikenali ulih urang kampong.

Miji & Phareed-assistant tok bomoh

Stephanie-pundan dirasuki ulih antu jamban laki-laki.

Di waktu senja hari Khamis, tyme tok bomoh tidur sambil duduk besila didangani ulih dua urang assistantnya,tiba-tiba ada tia lelaki pertangahan umur membawa anaknya bejumpa tok bomoh. Di dapan pintu rumah banglo mewah tok bomoh, lelaki atu pun bagi salam arah tok bomoh.

“Assalamuailakum tok bomoh”

Bomoh atu tekajut mendangar suara dapan pintunya tarus ea belusir arah pintu.

“Open sesame…” Pintu atu pun tebuka dengan sendirinya.

“Good evening, what can I help you?”,kata tok bomoh atu arah lelaki atu.

Tecangang tarus Atai, tekajut babun, bukan lagi tekajut baruk. Bangang ea tarus.

“Uhh… good evening… Tok bomoh, hajatku kesini bukannya apa, kan bawa anakku ane berubat. Inda tantu ulahnya wah, macam kerasukan ada jua usulnya… Bulih tok bomoh check checkkan anakku ane?,”rayu Athai dengan mua 50 centnya.

“Bah, masuk tah kerumahku ane… Buat macam rumah sendiri…hehehe.nada bah, just kidding...,”kata tok bomoh atu dengan mesranya arah lelaki atu. Atai atu pun tambah tia bangangnya. Inda lagi nyaman rasa hatinya. Tok bomoh beterais,“Assistantku… mana kamu lai? Dangani durang atu duduk arah lantai ah…”

So,assistantnya atu bawa lelaki atu sama anaknya duduk arah lantai. Miji sama Phareed ane pigang tangan Shabi supaya ea nda lari keluar. Gelisah si Athai. Basah bajunya, bakas bepaluh.

Tok bomoh datang tarus duduk dapan Shabi, diampainya botol Coca Cola kosong siringnya. “Bah, mulakan tia, jangan malu-malu…,” kata Atai arah tok bomoh atu.

So, tok bomoh atu mulakan dengan membaca jampi serapah dari sampah. Diampainya tangannya atas kepala Shabi sambil baca jampi atu. Begagar tarus badan si Shabi. Kali, ada tia pundan Cina antah dari mana datangnya belusir arah si Shabi. “Chew ming ah! Chew ming ah! Chew ming ah…!” telanggar tia pundan ane sama tok bomoh arah bahu durang. Gugur durang dua arah lantai. “Alahai ikan tahai, I jatuh cinta sekali lagi…,”kata pundan atu. Tok bomoh ane pun buat inda tau, tarus sambung proses penyembuhan Shabi.

Tiba-tiba si Shabi beterais,” Kau pembunuh! Kau pembunuh! Get your fcuking hand out of my head!!!” Antah cemana bulih jadi, pundan atu becakap dalam slang Brunei, “ Siapa bunuh kau eh? Perasan kau ane eh!!! Boo...bidaa~~”

Tekajut baruk tok bomoh sama assistantnya dua urang. “Pak, salah send nih. Gue rasa Bluetooth rosak,” kata Farid. “Ya iyalah. Masa sih kamu gak tau? Zaman sekarang canggih gitu loe,”balas Miji sambil showoff henponnya yang inda berapa canggih atu.

Tok bomoh sama pundan ane bediri. Di baca-bacanya sambil buat aksi ala Naruto dapan pundan ane. Dengan mua gembira, tok bomoh bagitau arah semua urang, “Ohh… Padantah ea jadi cemane… Rupanya pundan ane menyubuk laki-laki mandi…! Yatah kana rasuk ulih antu pundan yang tegelincir masa ea menyubuk laki-laki mandi.”

Tok bomoh pun cuba urat pundan ane. “Lai. Siapa namamu? Seksi banar eh badanmu. Suka ku…hehehe… ”

Pundan atu tarus pigang tangan tok bomoh sambil main mata. Bekadip-kadip mata during.

“Namaku? You mau tau jua? Nama me Stephanie,”kata pundan atu,pipinya jadi pink tarus.

“Oh… Stephanie… Nama glamour ada?,”balas tok bomoh.

“Anie, sayang…,”dibagitaunya arah bomoh atu.

“Sayang?!,”tekajut si Miji sama si Phareed.

“Oh… Anie… Lawa jua oh nama you ane… You panggil me Shaowa saja ah, jangan panggil tok bomoh, me masih muda kali ah… Bulan Jun ane me masuk 17.hehe… Umm, Anie, karang malam jadi ka inda? Hehehe…,”kata tok bomoh atu sambil ketawa.

“Okeh. Me panggil you Shaowa saja ah. Jadi apa?”Tanya pundan atu,seribu satu soalan dalam pikirannya atu.

“Jadi ambuk lahhhhh… Huahahahaha… Just kidding… Nyehehehe…,”ketawa tebahak-bahak tarus bomoh ato.

“Ee… kenapakan bomoh ane? Kambang tia nah…,”sampuk si Athai, terpegun dengan situasi tadi atu.

“Bah bah… Adangtah… Ku kan sambung semula proses tadi ah… Miji,on Bluetooth! Permanent visibility ah, jangan yang temporary. Namaku disana, ShaoWa the Shower tu,”

Begagar tia badan si Shabi, tapi ane betambah kuat.

“Lai… Jangan cemane eh… Ingatkan tuhan… Ingatkan indungmu… Ingatkan girlfriendmu yang ada kambar ah… Karang inda ea sayang kau lagi…,“nasihat Atai arah Shabi.

“What?! Girlfriendnya ada kambar? Cool!!!,”terais bomoh atu dengan senyumannya.

“Oi tok bomoh! Kau atu ada sudah girlfriend,si Zifah yang lawa ah, jangan kan cuba pasang dua ane!,”Phareed marahinya arah Shaowa atu.

Shaowa pun terdiam. Sambungnya semula proses tadi.

Antah dari mana datangnya laki-laki ane, kakinya begarak-garak macam kan tandang barang, belari ea menuju ke arah bomoh, tarus ea tandang kaki bomoh atu. “Adoi mama…yo mama!,”tegugur bomoh arah lantai,begulik kesakitan. Bediri ea balik, buat mua cool, padahal kesakitan. Alum lagi bomoh atu becakap, laki-laki yang dikenali sebagai Mizan atu pun membagi salam. “Yo… Assalam. What’s up? I thought you were a ball”

“Wassalam… Nothing much… What the f**k? Do I look like a ball to you? Huh?! ,”teriakinya arah Mizan.

Takut si Mizan meliat mua bomoh atu. Kali tanyanya arah tok bomoh atu dengan mesra,“Tok bomoh… tok bomoh ada TV ka inda? Ku kan liat perlawanan bula sipak antara Sarawak sama Manchester United.”

Dengan ideanya yang jahat atu, bagitaunya tia arah Mizan. “Tu nah TVku, 21 inci tu ah. Bukan pulang flat screen tu. Inda ku mampu bali yang flat screen wah. PS3 sama Xbox 360 tebali ku pulang. Hee~” Yang ditunjukinya ane bukan TV, tapi kutak TV yg kosong! Si Mizan ane belari tia kearah kutak TV atu. Lurus bandul kali, pasalnya ea duduk dapan-dapan kutak atu. Haha.

“Bah… Bisai-bisai ah… Jangan sampai rusak TVkku atu..Heh~”kata bomoh atu.

“Majal jua eh… Baik ka inda henpon dalam poketku ane? Phareed, ambilkan henponku arah laci dalam bilikku. Pilih henponku yg canggih-canggih ah. Jangan yg buruk. Nyehehe…”

“Bah bah… Sabar ah… “,belusir si Phareed naik tangga ke bilik bomoh di tingkat 10.

Sambil menunggu si Phareed, Shaowa pinjam henpon si Miji, kan online pakai Turbo MSN.

5 minit kemudian, datang tia si Phareed, dengan badannya yang tagap, nda lagi gamuk.

“Bah… On tia bluetooth ah… Ku kan sambung semula ni…”kata bomoh.

Di ampainya tangannya lagi arah kepala si Shabi. Begagar balik badannya. Dengan powernya yang hebat atu, Shaowa berjaya tarik jin atu keluar. Phareed buka botol kosong atu, while Miji tulung bomoh atu masukkan jin dalam botol sambil nyanyi lagu ‘Genie In The Bottle’.

Sudah jin atu masuk dalam botol, Phareed tutup botol ato, dikancanginya penutup botol atu supaya nda tekeluar.

Phareed dengan berhati-hati mengampai botol ato arah lantai. Tiba-tiba, Mizan yg duduk atu melumpat taruk bediri. Belari ea kearah botol kosong, tarus tandangnya. “GOAL!”

Semua urang, termasuk yang kana rasuk atu melumpat tarus bagi Hi-5. Belanggar tia Shabi, Mizan sama Stephanie ane, tarus pengsan inda sadar diri.

“Shaowaaaaaaa!!! Kenapa ne?! Apa terjadi arah anakku ane? “Atai teriaki arah bomoh atu.

“Ohh… Ane andangnya ne… perkara biasa pasal sending datanya sudah abis,yatah tu…nyehehee… Oh, by the way, bawa balik tia anakmu ah, karang lari ketakutan ea,”balas Shaowa.

“bah. Ok tu. Terima kasih banyak-banyak tok bomoh. Nanti ku balikan kau henpon baru. Hehe.”

“Lai, bangun lai. Ok sudah kau ka? ,”banguninya Shabi sambil tampar-tampar pipinya.

Pengliatan si Shabi kabur pasal inda pakai spec, yatah belari ea kerumah. Pikirnya bapanya antu yang pakai serba putih.

“Pak. Cowok Cina ini gimana? Mau hantar kemana? ,”kata si Phareed

“Iya pak. Cowok gila bola ini gimana juga? ,”kata si Miji jua, mau-mau kan cakap sama bomoh.

“Oh… sanang saja tu… Yang pundan atu kau tinggalkan arah tampat pembuangan sampah… Yang gila bula atu kau tinggalkan arah Padang Arena di Seria,” dibagitaunya arah si Miji sama si Phareed.

And so, Miji and Phareed brought the two guys to their places.

THE END

Labels: funny, possessed